Azərbaycan Kubokununda final: "Qarabağ" "Zirə"yə rəqib oldu Yenilənib

Kateqoriya: Ölkə futbolu | Tarix: 24.04.2024 21:50

Bu gün Azərbaycan Kubokunda yarımfinal mərhələsinin cavab oyunları keçiriləcək.

Newsport.az saytı xəbər verir ki, baş tutacaq görüşlərin ardından finalçılar müəyyənləşəcək.

Günün ilk matçı Qəbələdə baş tutacaq. Şəhərin eyniadlı komandası “Zirə”ni qəbul edəcək. Bakıda minimal fərqlə məğlub olan (1:2) turnirin son qalibi doğma arenasında bunun revanşı almağa çalışacaq.

Günün ikinci qarşılaşması Tofiq Bəhramov adına Respublika stadionunda reallaşacaq. Əzəli rəqiblər “Qarabağ”la “Neftçi” üz-üzə gələcək. Səfər matçında rəqibin qapısından 4 cavabsız top keçirən ağdamlıların bu üstünlüyü əldən verməsi möcüzə olar.

Azərbaycan Kuboku

Yarımfinal, cavab oyunları

24 aprel

17:00. “Qəbələ” – “Zirə” 0:2

Qol: Kulaç 59, Utziq 84

Qəbələ şəhər stadionu

İlk oyun - 1:2

20:00. “Qarabağ” – “Neftçi” 4:1

Qollar: Juninyo 16, 70, Qara Qarayev (avtoqol) 62, Nəriman Axundzadə 77 - Mirzov 64

Tofiq Bəhramov adına Respublika stadionu

İlk oyun - 4:0

Paylaş