Türkiyənin birinci liqasının iddialılarından olan “Kocaelispor”un baş məşqçi postunda dəyişiklik edə bilər.

Newsport.az xəbər verir ki, millimizin forvardı Ramil Şeydayevin də formasını geyindiyi klub Ertuğrul Sağlamla yollarını ayırmağı planlaşdırır.

Belə ki, son məğıubiyyətlər İzmit klubunun rəhbərliyinin ciddi addımlar atmağa məcbur edib. Sağlamın baş məşqçi postundan göndəriləcəyi, Mustafa Gürselin dəvət olunacağı gözlənilir.

Qeyd edək ki, millimizin forvardı Ramil Şeydayevin komandaya transferini Ertuğrul Sağlam istəyib.

Əlavə edək ki, “Kocaelispor” hazırda turnir cədvəlində üçüncü pillədədir.