“Neftçi” Misli Premyer Liqasının XX turunda “Qəbələ”ni 3:1 hesabı ilə məğlub edib.

Newsport.az xəbər verir ki, bakılıların yeni transferi Brayan Moreno bu görüşdə debüt edib. O, komandasının sonuncu qoluna da imza atıb.

Moreno oyundan sonra klub televiziyasına debütü haqda danışıb: “Bilirdik ki, çətin oyun olacaq. Buna baxmayaraq, qələbə qazanmalı idik ki, turnir cədvəlində yerimizi yaxşılaşdıraq. Debüt oyunumda qol vurduğum üçün çox sevinirəm. Ümid edirəm ki, bu, digər qollarımın başlanğıcı olar”.