"Xəzər Lənkəran”ın qapıçısı Orxan Sadıqlının Newsport.az saytına müsahibəsi:

 
-"Qəbələ”yə 6-0 hesabı ilə məğlub oldunuz. Matçı necə şərh edə bilərsən?
-Bizdən asılı olan şeydi. Onlar da, biz də meydanda 11 nəfər idik. Düzdü "Qəbələ”yə baxanda təcrübəsiz idik. Ən çətin oyunlarımızdan biri oldu. Danışmağa söz tapmıram.
 
-Kluba qoyuna transfer qadağası bu oyuna nə qədər təsir etdi?
-Çox. Elə bir şey olmasaydı Ruslan Abışov bizdə oynayacaqdı. Vüqar, Vaqif, Seydi, Rəaşd kimi oyunçularımız getdi.
 
-Bu məğlubiyyətlər sizi futboldan bezdirmir?
-Bizdə insanıq. İnsana təsir edir. Bu bizim karyeramıza da təsir edir. Amma nə edə bilərik? Qismət belədir. 
 
-"Xəzər Lənkəran” bu vəziyyətdən necə çıxa bilər?
-Dekabr ayınadək mübarizə aparmalıyıq. Ancaq döyüşüb-vuruşmalıyıq. Qadağa aradan qalxdıqdan sonra isə her şeyin yaxşı olacağına ümid edirik.
 
-Bu məğlubiyyətə görə sizi günahlandıran olmadı?
-Özümüz-özümüzdən utanırıq. Bundan artıq nə ola bilər?
 
-Baş məşqçi bu məğlubiyyət haqqında sizə nə dedi?
-Yunis Hüseynovu heç vaxt belə görməmişdim. Nəticədən sonra ümumiyyətlə danışmadı.  Ən pis oyunumuzu oynamışıq. 
 
-Bu məğlubiyyət sənin karyeranda  nə kimi yadda qalacaq?
-Bunu xatırlamaq istəmirəm. Təzyiqlərə trab gətirməyə çalışacağam. Bizim azarkeşlər, bizim klub belə məğlubiyyətlərə öyrəşməyiblər. Rəqib meydanında 6 qol buraxmaq həqiqətən də faciədir. 
 
-Hansı mövqedə daha bərbad oynadınız?
-Hamımız "0” oynadıq. Kimin necə oynadığı barədə danışmaq çox çətindi. Nə hücumçu, nə qapıçı, nə də medafiəçiləri günahlandırmaq olmaz. Komanda şəkilində məğlub olmuşuq.