Azərbaycan millisinin forvardı Musa Qurbanlı bu ili ölkəmizdə keçirəcək.

Newsport.az saytına verilən məlumata görə, forvardın İsveçə yollanacağı tarix dəqiqləşib.

Belə ki, o, yanvarın 7-də Stokholma uçacaq. Oradan isə "Yurqorden"in düşərgəsinə qoşulacaq.

İsveçdə toplaşacaq Musanın komandası ardınca təlim-məşq toplanışı üçün ölkəni tərk edəcək.

Qeyd edək ki, İsveçdə yeni sezon martın 30-da başlayacaq. Musanın komandası həmin gün “Göteborq”un qonağı olacaq.

Millimizin hücumçusunun İsveç klubu ilə müqaviləsi 2026-ci il iyunun 30-na qədərdir.