Avropa Liqasının qrup mərhələsində "Qarabağ"ın meydanda ən çox olan futbolçuları müəyyənləşib.
Newsport.az bu haqda UEFA-nın statistik məlumatlarına istinadən xəbər verir. Ağdam klubunun ümumən 20 futbolçusu qrup mərhələsinin oyunlarında iştirak edib.
Meydanda ən çox olan futbolçu müdafiəçi Elvin Cəfərquliyevdir. O, 6 oyunun hamısında iştirak edib və meydanda 539 dəqiqə olub. Cəfərquliyev 1 qolun ötürməsini də verib.
Siyahıda 2-ci yeri Abdullah Zubir tutur (6 oyun, 536 dəqiqə). İlk üçlüyü rusiyalı qapıçı Andrey Lunyov qapayır (6 oyun, 535 dəqiqə).
Leandro Andrade və Juninyo qrupda komandalarının ən çox qol vuran (hərəyə 2) oyunçuları olublar.
Ümumən, "Qarabağ"ın qrup mərhələsində meydanda olan futbolçuları aşağıda adları qeyd edilənlərdir:
1. Elvin Cəfərquliyev - 539 dəqiqə (6 oyun, 1 qol ötürməsi)
2. Abdullah Zubir - 536 dəqiqə (6 oyun)
3. Andrey Lunyov - 535 dəqiqə (6 oyun)
4. Marko Yankoviç - 512 dəqiqə (6 oyun)
5. Leandro Andrade - 491 dəqiqə (6 oyun, 2 qol)
6. Juninyo - 472 dəqiqə (6 oyun, 2 qol)
7. Julio Romao - 450 dəqiqə (5 oyun)
8. Kevin Medina - 437 dəqiqə (5 oyun)
9. Yassin Benzia - 423 dəqiqə (6 oyun, 1 qol + 1 qol ötürməsi)
10. Bəhlul Mustafazadə - 360 dəqiqə (4 oyun, 1 qol)
11. Mateus Silva - 253 dəqiqə (4 oyun)
12. Marko Veşoviç - 229 dəqiqə (3 oyun)
13. Bədavi Hüseynov - 180 dəqiqə (5 oyun)
14. Patrik Andrade - 139 dəqiqə (6 oyun)
15. Toral Bayramov - 132 dəqiqə (6 oyun, 1 qol)
16. Maksim Medvedev - 111 dəqiqə (3 oyun)
17. Redon Cica - 50 dəqiqə (3 oyun)
18-19. Hamidu Keyta - 26 dəqiqə (4 oyun)
18-19. Nəriman Axundzadə - 26 dəqiqə (3 oyun)
20 . Luka Quqeşaşvili - 5 dəqiqə (1 oyun)
Adları sifariş ərizəsində olan Amin Ramazov, Nihat Quliyev, Rahil Məmmədov, Abbas Hüseynov və Riçard Almeyda isə qrup mərhələsinin oyunlarında iştirak etməyiblər.
