Azərbaycanın gənclərdən ibarət millisinin üzvü olmuş, hazırda Ukraynanın "Polesye" klubunda çıxış edən Emil Mustafayev Ukraynanın xsport.ua saytına müsahibə verib. Həmin müsahibəni təqdim edirik:

- Vaxtilə Azərbaycanın gənclərdən ibarət milli komandasında oynamağı qəbul etmişdiniz. Bu qərarınıza görə peşman deyilsiniz ki?

- Atam istədiyi üçün Azərbaycanda oynamaq arzusunda idim. Ruslan Petroviç məni öz komandasına dəvət edəndə mən artıq Azərbaycanın gənclərdən ibarət yığmasında oynamışdım Ona görə də bir komandadan digərinə keçmək düzgün olmazdı.

- Milli komandadan təklif gəlmişdimi? Federasiya ilə danışığınız olmuşdu?

- Hələ mən "Aleksandriya"da olarkən danışıqlar var idi. İndi isə sakitlikdir.

- Ukrayna millisi ilə hekayənizə son qoymağınız üçün hələ tez deyil?

- Ukrayna millisinə dəvət min ildə bir dəfə ola bilər. Əgər təklif gəlsə, mən dəqiq imtina etməyəcəyəm. Mən burada böyümüşəm.

- Azərbaycanda əvvəllər "Minay"da çıxış etmiş Anatoli Nuriyev və Rüstəm Əhmədzadəyə qarşı münasibət necədir?

- Mən onlarla o qədər də yaxından ünsiyyət qurmuram. Əhmədzadə mütəmadi olaraq milliyə dəvət alır. Rüstəm isə kifayət qədər yaxşı vəziyyətdədir.

- Bu yaxınlarda Azərbaycanın və Ukraynanın gənclərdən ibarət milli komandaları Avro-2025-in seçmə mərhələsində  üz-üzə gəliblər. Keçmiş komanda yoldaşlarınız arasından fərqləndirə biləcəyin oyunçu varmı?

- Bir neçə maraqlı futbolçu var. Məsələn, qapıçı Rüstəm Simaqulin və kapitan Fərid Yusiflini qeyd edə bilərəm.