19 yaşadək futbolçulardan ibarət Azərbaycan millisi bu gün Avropa çempionatının seçmə mərhələsində növbəti oyununa çıxıb.

Newsport.az xəbər verir ki, Aqil Nəbiyevin baş məşqçisi olduğu komanda 11-ci qrupdakı sonuncu matçında səfərdə Lüksemburqla qarşılaşıb. Görüş Lüksemburqun 2:1 hesablı qələbəsi ilə başa çatıb. Millimizin heyətində 84-cü dəqiqədə Şahin Şahniyarov fərqlənib. 

Beləliklə, 3 oyundan sonra cəmi 1 xal toplayan Azərbaycan millisi elit-raunda vəsiqə qazana bilməyib.

Qeyd edək ki, U-19 millimiz bundan əvvəl Bosniya və Herseqovina ilə 0:0 hesablı heç-heçə edib, Niderlanda 1:2 hesabı ilə uduzub.

Avro, seçmə mərhələ

21:00. Lüksemburq - Azərbaycan - 2:1

21:00. Bosniya və Herseqovina - Niderland - 0:3

Xal durumu: Niderland - 9, Bosniya və Herseqovina - 4, Lüksemburq - 3,  Azərbaycan - 1