"Çox yaxşı komandaya qarşı mübarizə aparacağıq. Yaxşı nəticə qazanmaq istəyirik".
Newsport.az-ın məlumatına görə, bunu Azərbaycan millisinin kapitanı Emin Mahmudov Avro-2024-ün seçmə mərhələsinin sonuncu turunda Belçikaya qarşı oyun öncəsi keçirilən mətbuat konfransında deyib.
31 yaşlı yarımmüdafiəçi bütün oyunçuların matça hazır olduğunu bildirib: "Ümid edirəm ki, yaxşı nəticə də qazanacağıq".
Qeyd edək ki, sabah Brüsseldəki “Kinq Baudouin” stadionunda keçiriləcək Belçika – Azərbaycan oyunu Bakı vaxtı ilə saat 21:00-da başlayacaq.