Almaniya Bundesliqasında 6-cı turun oyunları keçirilib.
Newsport.az-ın məlumatına görə, Azərbaycan yığmasının qapıçısı Emil Balayevin şərəfini qoruduğu "Ayntraxt” növbəti matçında "Şalke” ilə qarşılaşıb.
Frankfurt təmsilçisi Helzenkirhen səfərində yenilib. "Şalke” futbolçumuzun komandasına 2:0 hesabıyla qalib gəlib. Emilin adı artıq ənənəvi şəkildə matçın iştirak ərizəsinə daxil edilməyib.
Qeyd edək ki, "Ayntraxt" hazırda 8 xalla 12-ci pillədə qərarlaşıb.