"Neftçi"nin "Koper"lə oyunda 2:1 hesablı məğlubiyyəti məni elə də təəccübləndirmədi. Yaxşı klub “uduzar da, udar da” dedim. Amma bu oyundan sonra mətbuatda, sosial şəbəkələrdə “Neftçi"nin tənqid və təhqir atəşinə tutulmasını anlaya bilmədim. Sanki şikarını pusuda gözləyən ovçu kimi, bəzi qara qüvvələr "Neftçi"nin məğlubiyyətini gözləyirmiş. Bu azmış kimi oyun sonrası mətbuat konfransından bir həmkarımın "Koper" "Neftçi"ni çilədi" deməsi aranı dahada qarışdırdı. Əziz həmkarım, "Neftçi"ni müdafiə etmirəm, amma çiləmək Almanyanın Brazilyanı (7:1) məğlub etməyi kimi olur və sonra düşündüm, yəqin, siz oyunu izləməmisiz. Oyunu izləyən hərkəs 2 ci hissədə "Neftçi"nin "Koper"in başına nə oyun gətirdiyini görürdü. Xülasə, mövzudan kənara çıxmaq istəmirəm, "Neftçi"yə qarşı artan təziqlər, mənfi fikirlərə çox üzüldüm. Sanki o azadkeşlər deyildi 3 il bundan qabaq "Neftçi"nin Avropa Liqasına yüksəlməsinə sevinirdilər. "Neftçi"nin hər oyunundan sonra küçələrə axışıb qələbələrə sevinirdilər. "Koper"lə oyunu 6000 dən çox azarkeş tribunadan izlədi, amma oyundan sonra yazılar, paylaşılan fikirlə bu dəstəyin içinə etdilər...
Bizi Avropada təmsil edən "Neftç"i "xalaq düşməni" , "İnter" və "Qarabağ" isə "xalq qəhrəmanı"dı. Deyirəm, görəsən, bu klublarımız uduzanda ağız dolusu yazanlar, danışanlar nə edəcəklər? Görəsən, öz sözlərini yeyəcəklər? Ya da "Neftç"i "Koper" səddini adlasa, vicdanları sızlayacaq? Bu qədər tənqidlər nəyə lazımdı? Heç bəlkə bu sualların cavablarını özləridə bilmirlər. Bir şeyi yaxşı bilirəm, "Neftçi" üçün hələdə ümüdlər ölməyib.
"Neftç"i olub bizə Avropa Liqasının qrup mərhələsinin sevincini yaşadan!
"Neftçi" idi Avropanın güclü klublarından biri "İnterl"lə səfərdə 2:2 oynayan!
"Neftçi"di həsrət gözüylə baxdığımız “Birlik Kuboku”nda bizi dəfələrlə sevindirən!
Bunları heçkim unutmayıb, amma bu uğurlar çoxlarının xoşuna gəlmir və yuxularına haram qatır. Unudursuz ki, "Neftçi"də "Qarabağ" və "İnter" kimi bizimdi, Azərbaycanımızındı. Amma unutqanlıq həmişə bizim yaralı yerimiz olub. Bunada daha təccüblənmirəm. İndi ağız dolusu "Qarabağ" deyənlər qarabağın başında duran Qurban Qurbanovun da "Neftçi"nin şərəfini qoruduğunu, onu elə bu klubun formalaşdırdığınıda unudublar yəqinki. Bəs "Koper"lə oyunda "Qarabağ" fanklubları harda idi? Niyə "Neftçi"ni dəstəkləmədilər? Axı "Neftçi” fanklubları həmişə "Qarabağ"ı dəstəkləyiblər. Azarkeşlərin və jurnalistlərin çoxu "Neftçi"nin "Koper"lə oyununun bu il Avropada son oyun olacağını düşünür, amma bu "Neftçi"də sonun başlanğıcıdı. Bəlkə baş məşqçi, vitse-prezident üçün bu oyun son ola bilər, amma bu "Neftçi"nin sonu demək deil. Slovenyada ən azından cəsarətli oyun və Bakıda oynanılan oyunun 2 ci hissəsindəki oyun kimi oynasaq, səfərdə növbəti mərhələyə vəsiqə qazanarıq. İnanıram ki, "Neftçi" məni və ürəkləri həqiqətəndə "Neftçi" ilə döyünənləri məyus etməz. Bu, "Neftçi"də sonun başlanğıcı olar!
Emin AĞAYEV
