Milli komandamızın sabiq hücumçusu Rüfət Dadaşov Almaniya mətbuatına açıqlama verib.
Newsport.az-ın məlumatına görə, Almaniyanın Şimal-Şərq Regional Liqasında çıxış edən "Dinamo"nun hücumçusu son turda “Bautzen”ə 5:0 hesabı ilə qalib gəldikləri görüşdə het-trik edib. Bununla bağlı fikirlərini bildirən Dadaşov millimizdə çıxış etdiyi vaxtları da xatırlayıb:
“Het-trik etməyim əla oldu. Ancaq məni daha çox nəticə, komandamın qələbəsi maraqlandırır. Berti Foqts millinin baş məşqçisi olanda mənə dəvət göndərirdi. Amma Prosineçki gələndən sonra vəziyyət dəyişdi. O, 3-cü və daha aşağı liqalarda çıxış edən futbolçulara dəvət göndərmir”.
Almaniya mətbuatı Rüfət Dadaşovun het-trik etməklə özünü Robert Prosineçkiyə ən yaxşı şəkildə sübut etdiyini yazıb.
Qeyd edək ki, 2013-2014-cü illərdə millimizdə çıxış etmiş Rüfət Dadaşov 16 oyunda 4 qol vurub.