Azərbaycan Premyer Liqasının 26-cı turunda səfərdə "Sabah"la 1:1 hesablı heç-heçə edən "Keşlə"nin məşqçisi Zaur İsmayılov oyundan sonra mətbuat konfransında fikirlərini bölüşüb.

Newsport.az-ın məlumatına görə, 40 yaşlı mütəxəssis öncə oyunla bağlı danışıb: 

- Çox maraqlı və gərgin oyun oldu. Bizə xal qazanmaq çox vacibdir. Futbolçulara təşəkkür edirəm. Məğlub olsaydıq belə, onlardan razı qalacaqdım. Nəticə oyuna görə oldu.

- Denis Silva nə üçün dayaq yarımmüdafiəçi qismində oynadı?

- Cəzalı Con Kamara oyunu buraxırdı. Denis "Neftçi"də və bizdə də əvvələr bu mövqeydə çıxış edib. Ona görə belə qərar verdik. Tərlan Quliyevi ona görə əvəzlədik ki, ikinci hücumçunu meydana buraxaq.