Bu gün Azərbaycan Premyer Liqada 6-cı tura yekun vurulub.

Newsport.az saytının məlumatına görə, son oyun günündə iki görüş keçirilib.

Günün ilk oyununda mövsümə uğursuz start verən iki komanda - "Qəbələ" və "Keşlə" üz-üzə gəlib. Görüş 1:1 hesablı bərabərliklə başa çatıb. 

Günün digər matçında "Sumqayıt" autsayder "Zirə"ni qəbul edib və 1:0 hesabı ilə qalib gəlib. Nazim Süleymanovun komandası bu qələbə sayəsində xalını 10-a çatdırıb və  eyni xala malik "Sabah"ı şəxsi oyundakı üstünlüyü ilə keçərək, 3-cü pilləyə yüksəlib.


30 sentyabr

20:00.“Sumqayıt” – “Zirə” - 1:0 
Qol: Atilla Yıldırım, 16
Hakimlər: Vüqar Həsənli, Zeynal Zeynalov, Rza Məmmədov, Əliyar Ağayev
“Bayıl Arena”

18:00.“Qəbələ” – “Keşlə” - 1:1 
Qol: Amil Yunanov, 5 (0:1), Stiven Monroz, 76 (1:1)
Hakimlər: Rəvan Həmzəzadə, Cavanşir Yusifov, İsgəndər Əliyev, Etibar Həsənov
Qəbələ şəhər stadionu