Cavid Hüseynov: "Meydana belə çıxmaq düzgün deyil"

Kateqoriya: Ölkə futbolu | Tarix: 11.02.2018 00:02

"Qəbələ"nin kapitanı Cavid Hüseynov Azərbaycan Premyer Liqasının 15-ci turunda səfərdə "Qarabağ"la keçirdikləri matçdan (0:0) sonra jurnalistlərin suallarını cavablandırıb.

Newsport.az saytnın məlumatına görə, yarımmüdafiəçi öncə oyun haqda danışıb:

- Gözlədiyimiz kimi qarşılaşma çətin keçdi. “Qarabağ” hücumlar edirdi və yaxşı oyun sərgilədi.

- Həftə ərzində qızdırmalı olmusan. Oyuna tam hazır idin?

- 1 həftə qızdırma düşmədi. 1 həftə ərzində 2 dəfə məşq etdim. Oyunda əvvəlki yüngül hazırlıqlar idi. İstər-istəməz tam hazır deyildim. Vacib oyun olduğu üçün meydanda olmaq istədim.

- Heç-heçə daha çox kimə sərf etdi: “Qarabağ”a, yoxsa “Qəbələ”yə?

- Oyuna baxanda bizə sərf edir.

- “Qəbələ”nin mərkəz forvarda ehtiyacı var?

- Bəli, var. Toplanış vaxtı da demişdik ki, hücumçu lazımdır.

- Komanda yoxlama oyunlarında daha istəkli görünürdü...

- Mən də onu düşünürəm. Belə oyun gözləmirdim. Çox aşağı səviyyədə çıxış etdik. “Qarabağ”la ən zəif oyunumuzu keçirdik. Udsaydıq, 1-ci pilləyə şansımız daha çox olacaqdı. Bu oyunu analiz edəcəyik. Məşçimiz bizimlə söhbət edəcək. Meydana belə çıxmaq düzgün deyil.

Paylaş