Futbol üzrə Qazaxıstan Kubokunda yarımfinal mərhələsinin oyunları keçirilir.
Newsport.az-ın məlumatına görə, Avropa Konfrans Liqasının qrup mərhələsində "Qarabağ"ın rəqibi olan "Kayrat" "Astana" ilə cavab matçına çıxıb. Almatı təmsilçisi doğma meydanda rəqibini 3:0 hesabı ilə məğlub edib. İlk qarşılaşmada da eyni hesabla qələbə qazanan "Kayrat" adını finala yazdırıb.
Kurban Berdıyevin rəhbərlik etdiyi kollektiv həlledici oyunda "Tobol" - "Şaxtyor" (Karaqanda) cütünün qalibi ilə üz-üzə gələcək.
Qeyd edək ki, "Qarabağ" Konfrans Liqası qrup mərhələsinin hər iki oyununda "Kayrat"ı 2:1 hesabı ilə məğlub edib.