Avropa Konfrans Liqasında Azərbaycan klubları ilə görüşə biləcək komandalardan 48-i bəllidi. Newsport.az xəbər verir ki, bu komandalar I və II təsnifat mərhələlərində iştirakı dəqiqləşənlərdi.

İlk dəfə təşkil olunacaq bu turnirdə Azərbaycan təmsilçiləri isə II raunddan mübarizəyə başlayacaq. Hazırda həm I, həm də II təsnifat mərhələsinin iştirakçılarını ölkə kubokunun qalibi, çempionatın gümüş və bürünc mükafatçıları üçün mümkün rəqib hesab etmək lazımdı. I təsnifat mərhələsində oynayacaq 70 klubdan 29-u bəllidi.

Komandalarımızla eyni vaxtda yarışa qoşulacaq 19 iştirakçı da dəqiqləşib.

Konfrans Liqası
I təsnifat mərhələsi

“Hafnarfyordur”, “Styarnan”, “Breydablik” (hamısı İslandiya), “Uypeşt”, “Puşkaş Akademiyası (hər ikisi Macarıstan), “Runavik”, “Klaksvik” (hər ikisi Farer adaları), “Bala Taun” (Uels), “Qzira”, “Hibernians”, “Birkirkara” (hamısı Malta), “Milsami”, “Sfentul Qeorqe” (hər ikisi Moldova), “Suduva”, “Jalgiris”, “Panevejis” (hamısı Litva), RFS, “Liepaya”, “Valmieras” (hamısı Latviya), “İnter”, “KuPS”, “Honka” (hamısı Finlandiya), “Dandolk”, “Bohemians”, “Sliqo Rovers” (hamısı İrlandiya), “Qaqra”, “Dinamo” (Batumi), “Dila” (hamısı Gürcüstan), “Payde” (Estoniya)

II təsnifat mərhələsi

“Astana”, “Tobol”, “Şaxtyor” (hamısı Qazaxıstan), PAOK (Yunanıstan), “Partizan” “Çukariçki”, “Voyvodina” (hamısı Serbiya), BATE, “Torpedo” (hər ikisi Belarus), “Molde”, “Rusenborq”, “Valerenqa” (hamısı Norveç), “Apollon”, AEL (hər ikisi Kipr), “Aberdin” (Şotlandiya), “Haken”, “Elfsborq” (hər ikisi İsveç), “Rakuv” “Rux” (hər ikisi Polşa)