Türkiyənin İstanbul şəhərində güləş üzrə Yaşar Doğu-Vehbi Əmrə-Hamit Kaplan reytinq turniri davam edir.

Newsport.az-ın məlumatına görə, yarışın 3-cü günündə qadınlardan ibarət millimizin 4 üzvü mübarizəyə qoşulub.

Türkan Nəsirova (50 kq) ilk mərhələdə tunisli Sara Hamdiyə uduzub – 0:6.

Tatyana Varansova (53 kq) 1/8 finalda qazax Jıldız Yeşimovaya yenilib – 1:3.

Alyona Kolesnik (59 kq) ilk görüşdə moldovalı son Avropa çempionu Anastasiya Nikitaya məğlub olub – 0:2. Ancaq rəqibin finala yüksəlməsi Kolesnik üçün bürünc medal qazanmaq şansı yaranıb. Kolesnik həlledici görüşdə rumıniyalı Katerina Jidaçevskaya ilə qarşılaşıb və rəqibinə 8:2 hesabıyla qalib gələrək 3-cü yeri tutub.

Elis Manolova (65 kq) startda türkiyəli Gülsüm Bingölə heç bir şans tanımayıb (11:0) və 1/4 finala yüksəlib. Təmsilçimiz rusiyalı Mariya Kuznetsovayla gərgin mübarizə şəraitində keçən görüşdən də qalib (6:5) ayrılaraq adını yarımfinala yazdırıb. Ancaq finalın bir addımlığında son dünya çempionatının bürünc medalçısı Forrest Molinariyə (ABŞ) uduzan Elis bürünc medal uğrunda görüşdə ABŞ-ın digər təmsilçisi Emma Bruntilə 2:3 hesabıyla məğlub olaraq 5-ci yerlə kifayətlənib.