Norveçli dünya çempionu Maqnus Karlsenin təşkil etdiyi Çempionlar Turunun "New In Chess" adlı V mərhələsində bu gün final mərhələsinin və 3-cü yer uğrunda ilk görüşlər keçiriləcək.

Newsport.az-ın məlumatına görə, yarımfinalın tay-brekində ABŞ təmsilçisi Hikaru Nakamuraya uduzan Azərbaycan şahmatçısı Şəhriyar Məmmədyarov 3-cü yer uğrunda Levon Aronyanla (Ermənistan) qarşılaşacaq.

Final görüşündə isə Karlsenlə Nakamura üz-üzə gələcək.

Final və 3-cü yer uğrunda görüşlər 2 gün (hər gün 4 oyun) davam edəcək. Qarşılaşmaların ardından qalib müəyyənləşməsə, tay-brek oynanılacaq.

Final

Maqnus Karlsen (Norveç) - Hikaru Nakamura (ABŞ)

3-cü yer uğrunda görüş

Şəhriyar Məmmədyarov (Azərbaycan) - Levon Aronyan (Ermənistan)