Bu gün Azərbaycan Premyer Liqasında 26-cı tura start verilib.
Newsport.az-ın məlumatına görə, ilk oyun günündə 2 matç keçirilib. İlk olaraq “Səbail” “Sabah”ı qəbul edib. Oyun qonaqların 2:0 hesablı qələbəsi ilə başa çatıb. Bu nəticədən sonra "Sabah" xallarını 39-a çatdırıb və "Qəbələ"ni arxada qoyaraq 4-cü pilləyə yüksəlib.
Ötən tur çempionluğu rəsmiləşdirən “Qarabağ” isə doğma meydanda “Zirə” ilə üz-üzə gəlib. "Zirə" qalib gəlsə, ən azı 4-cü pilləni təmin edərək Konfrans Liqasına vəsiqəni rəsmiləşdirə bilərdi. Ancaq oyunda qol vurulmayıb.
Bu nəticələrdən sonra "Neftçi"nin mövsümü 2-ci pillədə başa vuracağı dəqiqləşib. Çünki "ağ-qaralar" sona 2 tur qalmış ən yaxın izləyicisi olan "Zirə"ni 7 xal qabaqlayır.
8 may (bazar)
20:15. “Qarabağ” – “Zirə” - 0:0
Hakimlər: Kamal Umudlu, Rəhman İmami, Kamran Bayramov, Tural Qurbanov
“Azersun Arena”
18:00. “Səbail” – “Sabah” - 0:2
Qollar: Boyan Letiç, 15, Lukas Rangel, 36
Reallaşdırılmayan penalti - Aleksey İsayev, 2 ("Sabah")
Hakimlər: Elçin Məsiyev, Elşad Abdullayev, Pərvin Talıbov, Nicat İsmayıllı
“ASCO Arena”
9 may (bazar ertəsi)
17:30. “Sumqayıt” – “Şamaxı”
Hakimlər: Əliyar Ağayev, Zeynal Zeynalov, Akif Əmirəli, Vüqar Həsənli
“Kapital Bank Arena”
19:45. Qəbələ” – “Neftçi”
Hakimlər: Fərid Hacıyev, Müslüm Əliyev, Eyyub İbrahimov, Rauf Allahverdiyev
Qəbələ şəhər stadionu.
Bombardirlər:
Coy-Lens Mikels ("Sabah") - 11 qol
Davit Volkov ("Zirə") - 11 qol
Vadji İbrahima ("Qarabağ") - 10 qol
Filip Ozobiç ("Qarabağ") - 10 qol
Tiaqo Bezerra ("Neftçi") - 10 qol
Kadi Borqes ("Qarabağ") - 9 qol