"Bavariya"nın baş məşqçisi Julyan Naqelsmann "Barselona"nın transfer siyasəti haqda danışıb.
Newsport.az-ın məlumatına görə, 34 yaşlı mütəxəssis Kataloniya təmsilçisinin Rafinya və Robert Levandovskini transfer etməsinə təəccübləndiyini bilditib. Alman çalışdırıcı"Barselona"nın maddi çətinliklər çəkdiyinə baxmayaraq, istədiyi futbolçuları ala bildiyini deyib:
"Dünyada pulu olmayan, amma istədiyi bütün oyunçuları ala bilən yeganə klub "Barselona"dır. Bunu necə etdiklərini bilmirəm. Həqiqətən də qəribədir".
Qeyd edək ki. "Barselona" "Bavariya"dan 45+5 milyon avro qarşılığında Robert Levandovskini transfer edib. La Liqa klubu polşalı forvardla 4 illik müqavilə imzalayıb.