"Mançester Yunayted"in hücumçusu Kriştiano Ronaldo karyerasını İspaniyada davam etdirə bilər.
Newsport.az-ın məlumatına görə, portuqaliyalı futbolçunun xidmətində "Atletiko" maraqlıdır. Madrid təmsilçisinin baş məqşçisi Dieqo Simeone 37 yaşlı forvardın transferini israrla istəyir.
Ulduz futbolçu özü də "Atletiko"da oynamağa isti yanaşır. Təcrübəli oyunçu Madridə qayıtmağı və Çempionlar Liqasında iştirak etməyi çox istəyir.
Kriştiano Ronaldo son mövsümdə "Mançester Yunayted"in heyətində meydana çıxdığı matçlarda 24 qol və 3 məhsuldar ötürmə ilə yadda qalıb.