“Nəhayət, yeddi illik yalan və manipulyasiyadan sonra ədalətin zəfər çalmasından şadam. İnanın mənə, dünya futbolunun əfsanəsindən şeytana çevrilmək çox ağırdır”.

Newsport.az-ın məlumatına görə, bu sözləri UEFA-nın sabiq prezidenti Mişel Platini İsveçrə məhkəməsinin ona və FİFA-nın keçmiş rəhbəri Jozef Blatterə dələduzluq, yanlış idarəetmə və qiymətli kağızların saxtalaşdırılması ilə bağlı bəraət hökmü çıxarmasını şərh edərkən deyib.

O, bildirib ki, mübarizəsi ədalətsizliyə qarşıdır:

“İlk oyunda qalib gəldim. Eyni zamanda, bu məhkəməyə gəlməyən cinayətkarlar da var. Qoy onlar mənə güvənsinlər, biz yenidən görüşəcəyik. Çünki mən təslim olmayacam və həqiqətin arxasınca sona qədər gedəcəm”.