"Ayntraxt"ın baş məşqçisi Oliver Qlasner Avropa Liqasının finalında "Reyncers"ə qalib gəlmələri (əsas və əlavə vaxt -1:1, penaltilər seriyası - 5:4) barədə danışıb.
Newsport.az UEFA-nın saytına istinadən xəbər verir ki, mütəxəssis deyib:
“İnanılmaz! Bu, Avropada 13-cü oyunumuz idi və heç vaxt uduzmadıq. Futbolçularımın bu gün və mövsüm boyu etdiklərini təsvir etməyə sözüm yoxdur. Gələn mövsüm Çempionlar Liqasında oynayacağımız haqda hələ düşünməmişəm. Mən heç vaxt o qədər uzağa baxmıram, çünki yaxın aylarda nə olacağını bilmirəm. Oyunçulara dedim ki, bizim fantastik səyahətimiz olub, bu səyahət bu gün Sevilyada deyil, sabah kubokla evdə olanda bitməlidir”.