Monteneqro milli komandasının üzvü İqor İvanoviç Sportal.az saytına açıqlama verib.
Newsport.az-ın məlumatına görə, Vaxtilə “Zirə”də oynamış, 2018-ci ildən isə “Buduçnost”da çıxış edən İvanoviç “Qarabağ”ın üzvü Marko Veşoviç haqda danışıb:
"Azərbaycan futbolu haqda həmişə məlumatlıyam. Zamanım olanda da nəticələrlə tanış oluram. Marko Veşoviçlə milli toplanışına gələndə söhbətləşirik. Azərbaycan futbolu haqda da qısa müzakirələrimiz olur. Veşoviç haqda isə ancaq xoş sözlər deyə bilərəm. Həqiqətən də çox yaxşı futbolçudu. Azərbaycana qayıtmaq? Klublardan təklif almamışam".