"Liverpul"un baş məşqçisi Yurgen Klopp koronavirusa qarşı vaksin olunmayan futbolçuları transfer etməyəcəklərini bildirib.

Newsport.az-ın məlumatına görə, alman mütəxəssis, peyvənd olunmayan oyunçuların təhlükə yarada biləcəyini deyib:

"Hazırda heç bir futbolçuyla razılaşmamışıq. Ancaq transfer olarsa, peyvənd olunan futbolçulara üstünlük verəcəyik. Reallığı nəzərə almalıyıq. Bir futbolçu peyvənd olunmayıbsa, o, hamımız üçün təhlükə yarada bilər. Vaksin olunmayan futbolçu başqa yerdə paltar dəyişməli, başqa yerdə yemək yeməlidir. Ümumilikdə götürəndə, vəziyyət belə şeyləri tələb edir. Ümid edirəm ki, gələcəkdə belə şeylərə ehtiyac olmaz".