La Liqanın 6-cı turunda “Malyorka” ilə matç “Real”ın futbolçusu Kərim Benzema üçün əlamətdar olub.
Newsport.az xəbər verir ki, 33 yaşlı hücumçu sözügedən oyunda dubl edib. Bununla da Benzema yerli çempionatda 200-cu qolunu vurub. Beləliklə, fransalı oyunçu La Liqada 200 qol həddinə çatan 10-cu futbolçu olub.
Qeyd edək ki, Benzema 2009-cu ildən Madrid təmsilçisində oynayır.
Əlavə edək ki, “Real” – “Malyorka” görüşü “kral klubu”nun 6:1 hesablı qələbəsi ilə başa çatıb.