"Bu oyunda fantastik çıxış etdik. Komandanın çıxışından çməmnunam. 1/8 finala çıxmaq əzmindəydik, tarix yazmaq istəyirdik. Futbolçuların bu vəzifəni üzərinə götürdüklərini gördüm. Komandamla fəxr edirəm".
Newsport.az xəbər verir ki, bu sözləri Avstriya millisinin Franko Foda Avro-2020-nin qrup mərhələsinin 3-cü turunda Ukraynaya 1:0 hesabı ilə qalib gələrək növbəti mərhələyə yüksəldikləri oyundan sonra deyib.
"Azarkeşlər üçün oynamaq istəyirdik. Buxarestə qayıtmaqdan ötrü uzun bir yol qət etdilər, buna görə onları mükafatlandıra bildiyimiz üçün xoşbəxtik" - deyə o bildirib.
F.Foda 1/8 finalda qarşılaşacaqları İtaliya millisi haqda da danışıb: "İtaliya çoxdan məğlub olmayıb. Hazırlaşmaq və özümüzə gəlmək vacib olacaq, o zaman Londonda qalib gəlmək üçün əlimizdən gələni edəcəyik. Çətin olacaq, amma komanda həvəsli və hazırdır".