Laporta Messinin atası ilə görüşdü

"Barselona" kapitanı Lionel Messi ilə yeni müqavilə üçün danışıqları davam etdirir.

Newsport.az "Sport.es"ə istinadən xəbər verir ki, Kataloniya klubunun prezidenti Joan Laporta ilə 33 yaşlı hücumçu atası və meneceri Xorxe son günlərdə bir neçə dəfə görüşüblər. Lakin "Barselona" hələ Messiyə rəsmi təklif etməyib.

Argentinalı oyunçu üçün isə ən vacib proses komandanın inkişafıdır. O ümid edir ki, "Barselona" yay transfer pəncərəsində heyətini gücləndirəcək. Həmçinin Messi İspaniyada qalmağa müsbət yanaşır. Lakin "Mançester Siti" və PSJ də bu prosesi yaxından izləyir. Hər iki klub Messini sıralarına qatmaqda israrlıdır.

Qeyd edək ki, Messinin "Barselona" ilə sözləşməsi 2021-ci ilin iyunun 30-da başa çatacaq.





Xəbər lenti







Neftçi Qarabağ Qəbələ Sumqayıt Kəpəz Sabah Araz-Naxçıvan Səbail Turan Tovuz Zirə
Banner left
Banner right