Avropa Super Liqası: “Yuventus” da ayrıldı

İtaliyanın “Yuventus” klubu Avropa Super Liqasını tərk edib.
 
Newsport.az xəbər verir ki, bu barədə A Seriyası təmsilçisinin mətbuat xidməti məlumat yayıb.
 
Xəbərdə, klubun Avropa Super Liqası layihəsindən çıxdığı bildirilib.
 
Bundan əvvəl İngiltərənin “Liverpul”, “Arsenal”, “Mançester Yunayted”, “Tottenhem”, “Mançester Siti”, “Çelsi”, İspaniyanın “Atletiko”, İtaliyanın “İnter” və “Milan” klubları Avropa Super Liqasını tərk etdiklərini açıqlayıblar.
 
Aprelin 19-da Avropanın 12 klubu Avropa Super Liqasının yaradıldığını bəyan etmişdi. Yeni turnirin ilkin mərhələsində İngiltərənin “Mançester Yunayted”, “Mançester Siti”, “Tottenhem”, “Liverpul”, “Çelsi”, “Arsenal”, İspaniyanın “Barselona”, “Atletiko”, “Real”, İtaliyanın “Milan”, “İnter” və “Yuventus” klubları iştirak edəcəkdi.
 
Avropa Super Liqası layihəsinin vitse-prezidenti “Yuventus”un prezidenti Andrea Anyelli idi. Lakin onun son olayların ardından Turin klubundan da ayrılmaq istədiyi barədə xəbərlər yayılıb.




Xəbər lenti







Neftçi Qarabağ Qəbələ Sumqayıt Kəpəz Sabah Araz-Naxçıvan Səbail Turan Tovuz Zirə
Banner left
Banner right