“Fənərbaxça” “Arsenal”ın türk əsilli almaniyalı futbolçusu Məsut Özilin transfer prosesinin irəliləməsi üçün onu İstanbula gətirir.

Newsport.az-ın məlumatına görə, bu barədə futbol klubunun rəsmi tvitter səhifəsində məlumat verilib.

“Klubumuz transfer prosesinin irəliləməsi üçün Məsut Özili İstanbula gətirir”, - paylaşımda deyilir.

Paylaşılan fotoda futbolçunun həyat yoldaşı ilə övladı da yer alıb.

Məsut Özilin “Arsenal” klubu ilə müqaviləsinin müddəti bu ilin yayında başa çatacaq.