Newsport.az-ın məlumatına görə, 2021-ci ilin ilk oyun günündə 6 matç baş tutub.
“Qalatasaray” evdə “Antalyaspor”un müqavimətini qıra bilməyib. Bu xal itkisi İstanbul təmsilçisinin liderliyi əldən verməsi ilə nəticələnib.
“Sarı-qırmızılar”ın izləyicilərindən “Alanyaspor” son çempion “Başakşəhər” üzərində darmadağınla zirvəni geri qaytarıb. Mövsümün digər sürpriz komandası “Qaziantep” Ərzurumda gözlənilməz xal itkisinə üzülüb.
“Konyaspor” üzərində qələbə qazanan “Hatayspor” da liderlər qrupundakı mövqeyini möhkəmlədib. “Sivasspor” öz meydanında “Dənizlispor”la sülhə imza atıb. “Yeni Malatyaspor”u qəbul edən “Ankaragücü” 3 xalı üç qolla qazanıb.