İspaniya La Liqasında XVI turun oyunları davam edir.

Sportinfo.az xəbər verir ki, günün açılış matçında uğursuz mövsüm keçirən “Valensiya” yüksək yerlərə iddia edən “Qranada”nın qonağı olub.

Meydan sahiblərində 1, qonaqlarda isə 2 oyunçunun qırmızı vərəqə aldığı görüşdə “Qranada” əzmkar qələbə qazanıb.

“Selta” doğma arenasında autsayder “Ueska”nı üstələyib. “Atletiko” isə Madriddə “Xetafe”ni məğlub edərək, yenidən vahid lider olub.

30 dekabr

“Qranada” – “Valensiya” – 2:1
Qollar: Kenedi, 45+3, Molina, 88 – Qameyro, 36

“Atletiko” – “Xetafe” – 1:0
Qol: Luis Suares, 20

“Selta” – “Ueska” – 2:1
Qollar: Nolito, 33, Aspas, 61 – Seone, 84