Azərbaycan U-21 millisinin üzvü Fərid Nəbiyev koronavirusa yoluxub.

Newsport.az-ın məlumatına görə, Çexiyanın "Viktoriya Jijkov" klubunda çıxış edən futbolçu ev şəraitində karantinə alınıb. Bu səbəbdən o, SLovakiyaya qarşı oyun üçün U-21 yığmasına qoşula bilməyəcək.

Nəbiyev oktyabrın 13-dək ev şəraitində karantində qalacaq. Testin nəticəsinə uyğun olaraq bundan sonra o, məşqləri bərpa edəcək.

Çexiyada son günlər koronavirusa yoluxma sayı sürətlə artır. "Viktoriya Jijkov"da Fəriddən başqa da bir neçə futbolçunun test nəticəsi müsbət olub.