"Latsio" "Fənərbaxça"nın hücumçusu Vedat Murikini transfer edib.
Newsport.az klubun saytına istinadla xəbər verir ki, Roma təmsilçisi bu keçid üçün 20 milyon avrosundan keçib.
Kosovo yığmasının üzvü ilə 5 illik müqavilə imzalanıb. 26 yaşlı mərkəz hücumçusu illik 2 milyon avro maaş alacaq.
"Fənərbaxça" Murikini 2019-cu ilin yayında "Rizəspor"dan 5 milyon avro və 3 futbolçu qarşılığında transfer etmişdi. Kosovolu futbolçu ötən mövsüm keçirdiyi 36 oyunda 17 qol vurub, 7 məhsuldar ötürmə edib.