İngiltərənin "Lids" klubu daha bir transferini açıqlayıb.
Newsport.az-ın məlumatına görə, Premyer Liqa təmsilçisi Almaniyanın "Frayburq" klubunun mərkəz müdafiəçisi Robin Koxu transfer edib. 24 yaşlı futbolçu ilə 4 illik müqavilə imzalanıb. "Ağlar" bu keçid üçün Bundesliqa klubuna 13 milyon avro təzminat ödəyib.
Kox 2017-ci ildə "Kayzerslautern"dən "Frayburq"a keçmişdi. O, 2 dəfə Almaniya millisində oyun keçirib.