Bu gün Çempionlar Liqasında yarımfinal mərhələsinə start verilib.
Newsport.az-ın məlumatına görə, ilk oyun günündə 1 matç keçirilib. Almaniya "Leyptsiq"i Lissabondakı "Eştadiu da Luş" stadionunda Fransa PSJ-si ilə qarşılaşıb. Matç Paris təmsilçisinin 3:0 hesablı qələbəsi ilə başa çatıb. Bununla da komanda tarixində ilk dəfə olaraq ÇL-in finalına yüksəlib.
Qeyd edək ki, yarımfinalın digər görüşündə sabah "Lion"la "Bavariya" üz-üzə gələcək. ÇL-in finalı isə avqustun 23-ü keçiriləcək.
18 avqust
23:00. "Leyptsiq" (Almaniya) - PSJ (Fransa) - 0:3
Qollar: Markinyos, 13, Di Mariya, 42, Xuan Bernat, 56
Baş hakim: Byörn Kuypers