Azərbaycan millisinin futbolçusu Eddi İsrafilovun çıxış etdiyi "Albasete" İspaniya Sequndasında qalıb.
Newsport.az-ın məlumatına görə, komanda buna sonuncu - 42-ci turda "Kadis"lə matçda nail olub.
"Albasete" 90-cı dəqiqədə Maykel Mesanın penaltidən vurduğu qolla qələbə qazanıb - 1:0. İsrafilov bu matçda iştirak etməyib və sonadək ehtiyat skamyada əyləşib.
Komandanın əsas üzvlərindən sayılan oyunçunun matçı buraxma səbəbi bəlli deyil. Bu nəticədən sonra "Albasete" çempionatı 52 xalla 17-ci pillədə başa vurub.