Niderland və İspaniya komandaları arasında koronavirus pandemiyası səbəbindən təxirə salınmış yoldaşlıq oyununun yeni tarixi açıqlanıb.
Newsport.az-ın məlumatına görə, qarşılaşma noyabrın 11-də Amsterdamda keçiriləcək.
Daha əvvəl matçın martda oynanılması nəzərdə tutulmuşdu.
Bu komandalar 2010-cu ildə dünya çempionatının finalında da üz-üzə gəliblər. Həmin görüşdə Andres İnyestanın 116-cı dəqiqədə vurduğu qol ispanlara çempionluq qazandırıb.