"Mançester Siti"nin ulduzu Serxio Aquero dizindən əməliyyat olunub.
Newsport.az-ın məlumatına görə, Barselonadakı əməliyyat uğurlu başa çatıb.
32 yaşlı hücumçu özünün "Tvitter" hesabında hər şeyin qaydasında olduğunu və tezliklə sağalacağını bildirib.
Aquero Premyer Liqada "Bernli" ilə matçda zədələnmişdi. Onun avqustda olacaq Çempionlar Liqasının oyunlarına kimi hazır olacağı gözlənilir.