Almaniyanın “Herta” klubunun yeni baş məşqçisi məlum olub.

Newsport.az xəbər verir ki, Bundesliqa təmsilçisinin “sükan”ı Bruno Labbadiaya tapşırılacaq. Bu barədə “Bild” nəşri məlumat yayıb. 54 yaşlı mütəxəssislə müqavilə 2022-ci ilin yayına qədər nəzərdə tutulub.

Labbadia daha əvvəl Almaniyada “Bayer”, “Hamburq”, “Ştutqart”, “Volfsburq” kimi klubları çalışdırıb.

Hazırda Bundesliqanın 13-cü sırasında qərarlaşan “Herta”nı Aleksandr Nuri çalışdırır.