Türkiyə yığmasının və "Yuventus”un müdafiəçisi Merih Demiral koronavirus pandemiyasına qarşı mübarizə kampaniyasına qoşulub.
Newsport.az-ın məlumatına görə, o, bu barədə “Tvitter”dəki hesabı vasitəsilə məlumat yayıb.
22 yaşlı müdafiəçi paylaşımında virusa baxmayaraq, evdən çıxmağa məcbur olan 2 min türk ailəsinə evdə daha çox qala bilmələri üçün ərzaq yardımı edəcəyini yazıb.
Demiral həmin ailələrin Türk Qırmızı Aypara Cəmiyyəti tərəfindən seçiləcəyini bildirib.