Koronavirus pandemiyasına görə Almaniyanın "Borussiya" (Mönhenqladbax) klubunun futbolçuları fədakarlıq ediblər.

Newsport.az-ın məlumatına görə, klubun idman direktoru Maks Eberl futbolçuların maaşlarından imtina etməyə hazır olduqlarını deyib:

"Mən bu oğlanlarla qürur duyuram. Hamımız yaxşı və pis günlərdə birgəyik. Futbolçular "Borussiya"ya borclarını vermək istəyir. Almaniyada ilk klubuq ki, futbolçular maaşlarında endirimə razı oldu".

Futbolçuların bu addımı ilə klub 1 milyon avro qənaət edib. Bu şəkildə "Borussiya" klubda çalışan digər işçilərin məvacibini ödəyə biləcək.