Bakı "İnter"inin (indiki "Keşlə") sabiq baş məşqçisi Kaxaber Sxadadze Azərbaycandan təklif alması ilə bağlı yayılan xəbərə münasibət bildirib.
Newsport.az-ın məlumatına görə, "Ordabasi"nin baş məşqçisi Qazaxıstan mətbuatına müsahibəsində “Azərbaycandan təklif almağınız haqda xəbərlər doğrudurmu” sualını belə cavablandırıb:
“Bilirsiniz, hər şey olə biər. Ancaq mən "Ordabasi" ilə 2020-ci ilin sonuna qədər müqavilə imzalamışam. Bir-birimizdən məmnunuq. Rəhbərlik işlərimizi bəyənir, bizi də bütün şərtlər qane edir. Mən "Ordabasi"ndayam və işim yaxşı nəticə qazanmaqdır”.
Qeyd edək ki, Kaxaber Sxadadze 2009-2015-ci illərdə "İnter"i çalışdırıb.