İngiltərənin "Vest Hem" klubu Çex Respublikası millisinin üzvü Tomaş Souçeki "Slaviya"dan icarəyə götürüb.
Newsport.az-ın məlumatına görə, London təmsilçisi 24 yaşlı dayaq yarımmüdafiəçi ilə mövsümün sonuna qədər müqavilə imzalayıb. Paytaxt klubu bu keçid üçün 4 milyon avro təzminat ödəyib. "Çəkicdöyənlər" 15 milyon avro ödəyib, Souçekin transfer hüququna yiyələnə bilər.
Tomaş "Slaviya"nın yetirməsidir. O, 2015-ci ildə "Viktoriya Jijkov", 2017-ci ildə "Slovan" (Liberets) klublarına icarəyə verilmişdi.