Fransanın "Monako" klubunda baş məşqçi dəyişikliyi reallaşıb.
Newsport.az-ın məlumatına görə, komandanın baş məşqçisi Leonardo Jardimlə yollar ayrılıb. Portuqaliyalı mütəxəssisin müqaviləsinə qarşılıqlı razılaşma əsasında xitam verilib.
45 yaşlı mütəxəssisi ispaniyalı çalışdırıcı Roberto Moreno əvəz edib. Onunla 2022-ci ilin yayına qədər müqavilə imzalanıb.
42 yaşlı çalışdırıcının son iş yeri İspaniya millisi olub. O, 6 oyunda yığmanın baş məşqçisi olub.
Jardim 2014-2019-cu illərdə "knyazlıq klubu"nu çalışdırıb. "Monako" onun rəhbərliyi altında bir dəfə Fransa çempionu olub.