Joze Mourinyonun "Tottenhem"in baş məşqçisi təyin olunması "Real"ın futbolçularını sevindirib.
Newsport.az-ın məlumatına görə, İspaniya mətbuatı yazır ki, Madrid klubunun prezidenti Florentino Peres hazırkı baş məşqçi Zinəddin Zidanı istefaya göndərəcəyi təqdirdə, onun yerinə portuqaliyalı mütəxəssisi gətirə bilərdi. Ancaq 2010-2013-cü illərdə "Real"ı çalışdıran Mourinyonun təyinatına kapitan Serxio Ramos başda olmaqla, bir çox futbolçunun narazı olduğu bildirilirdi.
56 yaşlı çalışdırıcının "Tottenhem"ə keçməsindən sonra Madrid klubunun futbolçularının sevindiyi vurğulanıb.