Rusiya mətbuatı Azərbaycan millisinin hücumçusu Ramil Şeydayevin "Dinamo"nun heyətində Premyer Liqanın XVI turunun "Rubin"lə səfər oyunundakı (1:0) çıxışını dəyərləndirib.

Newsport.az-ın məlumatına görə, "Спорт день за днем" saytı 22 yaşlı forvardın 73-cü dəqiqədə əvəzlədiyi Maksimilan Filipddən daha yaxşı təsir bağışladığını yazıb:

"Novikov "Rubin"lə matçda həmçinin Ramil Şeydayevə də kifayət qədər vaxt verdi. 20 milyonluq Maksimilian Filippin əvəzinə meydana daxil olan forvard ondan zəif təsir bağışlamadı. Hətta ondan daha fəal idi".

Ramil sonuncu dəfə oktyabrın 5-i "Orenburq"la matçda meydana çıxmışdı. O, 1 aydan sonra "Dinamo"da oynamaq şansı qazandı.