Asmir Beqoviç "Qarabağ"da mütəmadi oynasa da, Bosniya və Herseqovina millisinə yenə dəvət almayıb.
Newsport.az-ın məlumatına görə, baş məşqçi Robert Prosineçkinin 32 yaşlı qapıçını çağırmaması ölkə mətbuatında geniş müzakirə edilir.
Asmir Beqoviçin atası Amir Beqoviç sosial şəbəkədə sərt sözlər yazanlardan olub: "Bəzi adamlar federasiya prezidentinin köməkliyi ilə Asmiri yığmadan qovdu".
Oğlunun yığmaya dəvət almamasına qəzəblənən Amir millinin çalışdırıcısı Robert Prosineçkini təlxək adlandırıb:
"Bu təlxək sadəcə, bir oyuncaqdı".