"Fənərbaxça" heyətini yeni hücumçu ilə gücləndirib.

Newsport.az-ın məlumatına görə, İstanbul klubu "Başakşəhər"dən ayrılan Mevlud Erdinci transfer edib. Bu gün tibbi müayinədən keçən 32 yaşlı forvardla 2 illik müqavilə imzalanacaq. Rəsmi açıqlamanın yaxın saatlarda veriləcəyi gözlənilir.

Qeyd edək ki, türkiyəli hücumçu daha əvvəl PSJ, "Sent-Etyen" və "Hannover" kimi klubların da formasını geyinib.